Нийгмийн даатгалын явуулын үйлчилгээ Өмнөговь аймгийн Цогтцэций суманд ажиллаж байна. Өчигдөр буюу 2019 оны 09 дүгээр сарын 18-ны өдөр Эрдэнэс таван толгой ХК-ийн уурхайн 130 орчим тээвэрчдэд мэдээлэл хүргэсэн бол өнөөдөр Цагаанхад боомт дахь тээвэрчдэд хүрч үйлчиллээ.

Хөдөлмөр нийгмийн хамгааллын яам, Нийгмийн даатгалын ерөнхий газар болон Өмнөговь аймгийн Нийгмийн даатгалын хэлтсийн албан хаагчид уул уурхайн бүтээгдэхүүн олборлогч үйлдвэр, аж ахуйн нэгж болон ачаа тээвэрлэгч байгууллагын жолооч, ажилтан, албан хаагчдад ийнхүү газар дээр нь очиж нийгмийн даатгалын мэдээлэл зөвлөгөө өгөн, үйлчилгээ үзүүлж байгаа юм.

Харьцангуй хүнд бөгөөд эрсдэлтэй ажил хөдөлмөр эрхэлж буй эдгээр иргэдийн тухайд нийгмийн даатгалын мэдээлэл, үйлчилгээ авах зайлшгүй шаардлагатай байдаг ч цаг боломж хомс байдаг тухайгаа энэ үеэр хэлж байсан юм.