Эрүүл мэнд, нийгмийн даатгалын ерөнхий газрын дарга Д.Зоригт, Нийгмийн даатгалын бодлогын хэрэгжилт, судалгааны газрын дарга Ц.Ганцэцэг нар Архивын ерөнхий газрын дэд дарга Г.Билгүүн, Тамгын газрын дарга Л.Баасанбаяр, Мэргэжил, арга зүйн удирдлагын газрын дарга Б.Цэндсүрэн, Лавлагаа, үйлчилгээний төвийн эрхлэгч С.Шижирбаатар, Үндэсний төв архивын газрын захирал Б.Эрдэнэбадрах нартай 2017 оны 02 дугаар сарын 08-ны өдөр уулзалт зохион байгууллаа.

Уулзалтын хүрээнд архивын лавлагааны үндэслэл, төрийн байгууллага хоорондын мэдээлэл солилцох, иргэдэд архивын болон нийгмийн даатгалын үйлчилгээг чирэгдэлгүй үзүүлэх зэрэг асуудлаар ажил хэргийн ярилцлага өрнүүлж, Эрүүл мэнд, нийгмийн даатгалын ерөнхий газар, Архивын ерөнхий газрын хооронд “Хамтран ажиллах” гэрээ байгуулах бэлтгэл ажлыг хангах, зохион байгуулах үүрэг бүхий ажлын хэсэг ажиллуулахаар шийдвэрлэв.