Нийгмийн даатгалын байгууллага нь Ажил олгогч, даатгуулагчдаа дэмжих жилийн ажлын хүрээнд ажил олгогчдынхоо үйл ажиллагааг дэмжиж, нийгмийн хариуцлагыг нь урамшуулах зорилгоор “Үндэсний тэргүүлэгч ажил олгогч-Нийгмийн даатгалын шимтгэл төлөгч  шилдэг байгууллага”-уудыг шалгарууллаа.

2015 оны санхүүгийн жилд нийгмийн даатгалын шимтгэл төлсөн хэмжээ нь хамгийн их, ажиллагсадаа нийгмийн даатгалд бүрэн хамруулж, нийгмийн даатгалын шимтгэлийн өр авлага үүсгэлгүй, нийгмийн даатгалын шимтгэл төлөлтийг цаг хугацаанд нь гарган хуулиар хүлээсэн Ажил олгогчийн үүргээ амжилттай хэрэгжүүлэн ажиллаж буй нэр бүхий 11 ажил олгогч шилдгээр шалгарлаа. Энэ оны үндэсний шилдэг 11 ажил олгогчоор:
-“Эрдэнэт үйлдвэр” ХХК
-“Оюу толгой” ХХК
-“Мобиком корпораци” ХХК
-Худалдаа хөгжлийн банк
-Дулааны дөрөвдүгээр цахилгаан станц ТӨХК
-Вагнер Ази тоног төхөөрөмж ХХК
-МИАТ ТӨХК
-Дулааны гуравдугаар цахилгаан станц ТӨХК
-Голомт банк
-“Трансвест Монголиа” ХХК
-ХААН банк шалгарсан бөгөөд шилдэг шимтгэл төлөгч байгууллагуудыг нийгмийн даатгалын байгууллага бүтэн жилийн турш алдаршуулж, дүүргүүдийн нийгмийн даатгалын хэлтсүүдээр дараалал харгалзахгүй үйлчилгээ үзүүлэхээс гадна, нийгмийн даатгалын хууль, тогтоомжийн хяналт шалгалтын үйл ажиллагаа явуулахгүй итгэл хүлээлгэх юм.